Haleellaa Kibxata darbe magaalaa Gondaritti Musliimota irratti raawwatameen namoonni 21 yoo ajjeefaman, 150 ol madaa’uu gabaafamaa ture.

Haleellaa kanaan masjiidonni, dhaabbileen daldalaa fi manneen jireenyaa Musliimotaa hedduun gubachuus ibseera. Guyyoottan itti aananittis gochaan kun itti fufuun Magalaa Goondaritti namoonni Misdiidonni sadi yoo gubatan, lubbuun namoota hedduu darbee jra. Bifuma walfakkaatuun halellaa Finxaaleyyiin raawwataniin Magaalaa Dabaarqiitti Masjiidonni lama yoo gubatan Hordoftoota Amtaa Islaamaa 2 ammoo ajjeefamanii jiru.

Gama biraan ammoo naannoo Kibbaa Godina Silxee magaalaa Waraabeetti kaleessa Eebla 20,2014 mana amantaa Kiristaanaa lama irra macaatiin akka dhaaqabe Waajjiri kutaa Lallaba Haadiyyaa fi Silxee Mana Amantaa Ortodoksii Tawaahidoo Itoophiyaa ibsa baaseen himeera. Mancaatii manneen amantaa irratti dabalataan qaqqabuu, namootni reebamuufi miidhaan irra gahuu ibsichi eerameera.