Maqaa WBO waliin hariiroo qabdan jedhuun Mootummaan namoota hirmaannaa siyaasaa kamuu hin qabne ajjeesuu, hidhuu fi qabeenya isaanii irraa saamuun waggootaaf raawwatamaa jiraatuus , Garuu erga Mootummaan PP labsii riphee loltoota balleessuu jedhu guutuu Oromiyaa irratti labsee kaasee sarbamni mirga namoomaa cimaan lammiilee nagayaa irratti rawwatamaa jira.
Haluuma kanaan Aanicha keessatti hidhattoonni mootuumma ummata harkaa qullaa jiru deemaa WBO barbaadaa jechuun gara bosonaa erganii akka ummanni kun hojii idilee isaanii hin hojanne dhorkaa jiraachuu odeeffannee jirra.
Jirataan Oromia11 Aanichaarraa odeeffatte akka ibsetti hidhattoonni mootummaan ummata irratti bobbaasee bakka Waraanni Bilisummaa Oromoo WBO jiru hanga nu geessitanitti xaa’oo hin argattan, qonnas hin qotattan jachuun ummata rakkisaa akka jiran ibse.
Itti dabaalunis namootni nuti waan akkanaa irratti hirmaachuu hin barbaannu isin warreen hidhaannoo guutuun waraannichatti deemtaniyyuu lubbuun deebi’aa hin jirtan, Lakki hin deemnu jedhan ammoo WBO deggaraa jirtan maqaa jedhuun namoota hedduu akka hidhan dubbatu.
Bifa kanaan Aanaa Adaabbaa irraa qofa namoonni nagayaa yakkaa tokko hin rawwaatin dhibbi lamaa ol hidhamanii kan jiran yoo tahu, Namoonni kunneen guyyoota 14 oliif mana hidhaa Aanichaa keessatti hirarfamaa jiraachuu addeessee jira.
Hidhaa fi reebbichi Milishooni Gandaa fi Humna Addaa Oromiyaa Aanicha keessatti gaggeessaa jiran kun ammallee itti fufee jiraachuu kan himu namni billbiilaan dubbisne kun hawwaasni naannichaa hojii dhunfaa isaa hojjatee nagayaa argatee jiraachuu dadhabee waan goodhu dhabee dararamaa akka jiru himee jira.
