Namoonni kutaa bulchiinsa Minisootaa keessa jiraattanii fi talaallii Kovid-19 bilisaan fudhachuu barbaaddan, carraan addaa kun akka isin hin dabarre. Giddu galli Islaamaa Ihsaan guyyaa hardhaa Muddee 8,2023tti sagantaa talaallii bilisaa badhaasa doolaara $100 wajjiin kennuu waan qabuuf akka isin hin dabarre.
Talaallii fi badhaasni kun achuma jiddu gala kana keessatti sa`aatii 1pm irraa kaasee hanga 5pm tti kan kennamu yoo ta`u, teessoon 955 W Minnehaha Ave,Saint Paul,MN 55104 dha. odeeyfannoo dabalataa barbaannaan 612-874-0665 irratti bilbiluun gaafachuu ni dandeettan. waldaan ogeeyyota fayyaa Oromoo Idil Addunyaatis iddoo kanatti argamuudhaan talaallii kan kennu taha.
Talaallii fi Badhaasni Doolaara $100 kan Biroo Eessa Jira?
Eeyyeen badhaasaaf hin yaadda`inaa,isinumti talaallii bilisaa fudhachuuf qophaa`aa malee badhaasni qophaayeera. Dhaabbanni Ispeeshaalistis Dippaartimantii Fayyaa Minisootaa wajjiin ta`uudhaan sagantaa talaallii bilisaa fi badhaasa doolaara $100 kutaa magaalaa Brooklyn Center keessatti Muddee 8 fi 9 waaree booda sa`aatii 4pm irraa kaasee hanga galgala 8pm tti kennuudhaaf qophii xumuree jira.
Maatiiwwan kamuu yeroo talaalliidhaaf dhuftanitti ijoollee keessan galmeessisuun dirqama.Talaalliin bilisaa kun daa`imman umrii ji`a jahaa fi achii olii hundaaf kan kennamu ta`a. Teessoon 7200 Brooklyn Blvd,Brooklyn Center,MN 55429 dha. odeeyfannoo dabalataatiif immoo 612-382-0427 irratti bilbiluun gaafachuu fi hubachuu ni dandeettu.
