Namni dhibee Kovid-19tiin qabamee fayye, mallattoolee gara garaa ofirratti arguu danda`a. namni gariin daddafee vaayirasii kana irraa qulqullaahuu kan danda`u yoo ta`u, gariin isaanii yeroo itti fudhachuu dandaha. Kovid Dheeraan namoota umrii hunda keessatti argaman irratti argamuu danda`a. namoonni haalli fayyaa isaanii gaarii turee fi umrii dargaggummaa keessa jiranis hubamuu danda`u.
Mallattooleen Dhibee Kovid Dheeraa Maal Fa`a?
Vaayirasiin Kovid-19 kutaa qaama ilma namaa kanniin akka somba,onnee,sammuu,tiruu, kalee fi garaachaa miidhuu dandaha.sababa kanaaf jecha dhibeen kun mallattoolee gara garaa qabaachuu danda`a. kanniin keessaa immoo muraasni kanniin armaan gaditti tarreeffaman.
- Bututa (Dadhabbii).
- Hafuura kutuu ykn hafuura baafachuuf rakkachuu.
- Yaaduuf ykn xiyyeeffachuuf rakkachuu.
- Bowwoo
- Hojii xiqqoo hojjatanii dadhabbiin namatti dhagahamuu.
- Dhukkubbii Qomaa.
- Dhahannaa Onnee Saffisaa.
- Jeequmsa Hirribaa.
- Miirri Namaa Jijjiiramuu,Sammuun dhiphachuu yookiin yaadda`uu.
- Dhukkubbii Lafee Yookiin Maashaa.
- Dandeettiin Dhandhamuu yookiin ulachuu jijjiiramuu
- Dhukkubbii Qoonqoo yookiin Qufaa.
- Hoo`a Qaamaa.
- Baasaa yookiin Garaa Kaasaa.
- Jijjiirama Marsaa Laguu.
- Rifeensi namaa dhumuu.
