IIDAL ADHAAN AYYAANA AKKAMIITI?
Hawaasa Muslimaa addunyaa tana irratti faffaca`ee jiraatu biratti,guyyaan ayyaanaa bebbeekkamaan lamatu jira. isaanis, guyyaa Iidal Fixrii fi Guyyaa Iidal Adhaa ti. Ayyaanni Iidal Fixir ayyaana jiini soomanaa erga xumuramee booda kabajamu yoo ta`u, ayyaanni Iidal Adhaa immoo akka lakkoofsa Hijraatti ji`a 12ffaa keessa guyyaa 10ffaatti kabajama.
Guyyaan ayyaana Iidal Adhaa kun guyyaa akkuma sirni hajjii xumurameen booda kabajamu yoo ta`u, guyyaa kana, hawaasni muslimaa addunyaa gubbatti argamu hundi waan qabu wajjiin qooddatee, firaa fi ollaan wal yaadatee, qabaataan hiyyeessa waan qabuun yaadatee, gammachuu, bashannanaa fi haala addaatiin kabajee oola.
AYYAANA IIDAL-ADHAA FI COVID-19
Sirni kabaja ayyaana Iidal-Adhaa sirna hordoftoonni amantii islaamaa hundi irratti walgahanii kabajatan waan ta`eef, carraan hawaasni lakkoofsaan kumaatamootaa fi miliyoonota hedduu ta`an walitti makamuu fi walitti dhihaachuudhaan wajjiin salaatuun dabarsu. yeroo kanatti immoo qabxiin ijoon irraanfatamuu hin qabne, dhimma dhibee vaayirasii koroonaati.
OF EEGGANNOOWWAN GODHAMUU QABAN MAAL FA`A?
Guyyaa kabaja ayyaana Iidal-Adhaa kanatti, of eeggannoowwan dhibee vaayirasii Koroonaa ittisuuf gargaaran keessaa muraasni, Maaskii Kaayachuu, Talaallii Covid-19 fudhachuu, Yoo dhukkubsattan Manaa bahuu dhabuu fi qorannoo barbaachisu gochuu, dabalataanis yoo dhibeen covid-19 isin irratti muldhate, yoo xiqqaate guyyoota 5`niif yookiin hanga woyyooftanitti manaa hin ba`inaa.
DHIMMA AYYAANA IIDAL-ADHAA FI COVID-19 IRRATTI GAAFII QABDUU?
Namoonni dhimma guyyaa ayyaana Iidal Adhaa fi Ittisa dhibee Koroonaa irratti Odeeffannoo dabalataa barbaaddan, suuraa cinaa kanatti argamu irraa argachuu ni dandeettu.
